著名導演陳可辛的父親陳銅民，於8號晚在泰國離世，享年92歲。
據泰國《世界日報》報道，生前曾喺該日報前主筆嘅陳銅民，係喺家中離世，其兒子陳可辛得悉消息後，即同太太吳君如、囡囡陳是知飛往泰國奔喪，而陳銅民喺美國嘅女兒陳可秀，亦同老公、囡囡由美國飛往泰國曼谷。
據知陳銅民嘅喪事將於15至19號，每晚喺曼谷越塔通大佛寺內，由泰國高僧為陳銅民誦經祈福，而其遺體將會喺20號，於該寺內舉行火化儀式。
陳銅民曾與已故著名作家金庸為同事，曾於文化及演藝界工作。第為泰國華僑得陳銅民，曾到北京進修導演，由電影製作公司嘅編劇開始做起，曾經做過電影編劇、導演、助導等，亦曾於《明報》擔任編輯一職。
退休後定居泰國嘅陳銅民，仍有為泰國《世界日報》執筆寫社論，而佢嘅離世，震驚了泰國、韓國及中港台演藝圈，韓國最大娛樂公司CJ E&M電影部掌舵人鄭泰成先生、泰國亞洲大眾集團董事長郭蕊，以及多位演藝界後輩古天樂、劉偉強、陳善之、章小蕙、胡歌、張一白等，亦有送上花牌悼念陳銅民。