馮子亮扮PIKO太郎散喜感大阪燒雞蛋仔食譜+劣食「紅豆軍艦」」一洗污名

J2節目（82台）逢周一至五晚八點半推出以「優化」罐頭為大前提嘅全新飲食節目《奇蹟的罐頭料理》，邀請4大名廚楊尚友（Christian Yang）、蔡家富（Gabriel）、徐蒝（Margaret）及陳希裕（Justin）助陣。

Jojo為「罐頭湯」主題而扮成阿媽，Jojo高呼毁咗仙氣女神形象。阿仔Liam於房內被阿媽狂嗌飲湯顯得極不耐煩！
為增加趣味，《罐頭》每集均會搵嚟J2er拍攝趣味短劇，其中被網民熱捧「J2女神」黃紫恩（Jojo），竟然喺日前播出一集中犧牲靚樣飾演人母，Jojo拍畢忍唔住喺社交網大呻：「當初入呢行係為咗做一個仙氣靚女，但好似同呢條路越走越遠。」Jojo當日去到現場先知道要扮演阿媽，造型更係監製指定要吳君如《家有囍事》師奶造型， Jojo笑稱監製長期大整蠱，希望以後有眼光嘅監製或導演睇到佢嘅本質係一個有仙氣嘅靚女，安排仙氣角色畀佢演。

Jojo啱啱先扮完性感貓女郎，估唔到話咁快就變咗阿媽。
撞啱聲沙唔舒服更似阿媽
Jojo之前喺同一節目中以性感小野貓造型亮相，相隔未幾又扮阿媽，反差之大令佢覺得備受挑戰，又指樂於演媽咪多過小野貓：「論好玩同chill嘅程度，一定係扮阿媽，我嗰日拍仲要有啲唔舒服，把聲沙晒，勁似阿媽催飲湯煩住阿仔嗰啲。」

Gabriel用「罐頭忌廉湯」及「罐頭番茄湯」炮製成「芝心西班牙可樂餅」。「芝心西班牙可樂餅」色香味俱全。罐頭美食方面，Gabriel該集施展渾身解數將港人常飲嘅「罐頭忌廉湯」及「罐頭番茄湯」炮製成有醬點嘅「芝心西班牙可樂餅」，大爆太太喺情人節下廚時因唔識勾芡，將蟹肉栗米羹煮成栗米湯嘅慘痛經歷；Margaret則用「罐頭ABC雜菜湯」及「罐頭南瓜湯」製作「雙色即是緣份」兩款不同口味粉皮，並指ABC湯中的ABC並非單單指字母而是當中嘅維他命，讓觀眾食好西兼長知識。

大廚Margaret用「罐頭ABC雜菜湯」及「罐頭南瓜湯」製作出命名為「雙色即是緣份」。牛肉及雞絲口味粉皮，分別用高腳杯裝起，寧舍矜貴。
大阪燒變雞蛋仔？
Liam「變裝」機會亦不少，獲監製欽點喺短劇扮演PIKO太郎，佢要扭身扭勢獻唱「日本罐頭」版《PPAP》相當搞笑。談到演繹PIKO太郎難度，Liam說：「嗰種壞壞哋又好有喜劇感嘅大叔感覺，其實唔容易，都覺得自己展現唔到好靈活好放嘅感覺。」Liam直認有翻看原作模仿：「拍緊嘅時候有播住歌，如果唔係跟唔到個節奏，要做到聲畫同步。」

Liam表示一變裝成PIKO太郎，整個製作組即笑不攏嘴！

楊尚友將「罐頭大阪燒」演變成「大阪燒雞蛋仔配清酒煮蜆」。日式大阪燒罐頭，除有兩塊大阪燒外，還有紫菜碎、木魚碎及燒汁。
Liam透露一身造型令製作組爆笑兼大讚還原度高。該集主題是係日本罐頭，當中最特別嘅係楊尚友選用「罐頭大阪燒」，到底大阪燒點樣可以變身雞蛋仔？Margaret則勝在夠勇，竟想到用「罐頭紅豆」為經典劣食「紅豆軍艦」一雪前恥，壽司用料除有紅豆外，更有日本蕃薯及抹茶飯，配以扮成豉油嘅焦糖醬汁，相當有創意。