袁富華與大7年圈外女友結婚 愛情長跑逾30年低調保護愛妻身份

59歲袁富華 (Ben)與愛情長跑逾30年嘅女友梁影群 （Regina） 於2月18號於香港註冊簽紙結婚，由於太太係圈外人，簽紙儀式低調進行，僅邀請雙方親友出席簽紙儀式，現場氣氛感動又浪漫。

 一對新人喺衆親友見證及祝福下宣誓，袁富華表示一生中可以遇到一位珍惜彼此嘅另一半並唔容易，一起經歷及成長係佢最享受同珍惜嘅人生過程，佢好感恩搵到可以陪伴相守一生嘅伴侶。早前袁富華以透露二人婚期選定農曆新年後舉行，因袁富華忙於籌備婚禮，所以暫時唔接job，婚禮並唔會大搞，只係跟屋企人食飯慶祝。

袁富華喺電影《翠絲》及《叔．叔》飾演同志入型入格，難免令人懷疑性向，而袁富華奪得金像獎最佳男配角，就喺台上多謝女朋友，原來袁富華與圈外女友Regina拍拖逾30年，由於Regina任職管理層，較男友年長7歲，所以袁富華尊重女友，唔想影響其工作，所以拍拖多年一直好低調。