由鄧超、孫儷、吳京、許魏洲、段博文及蔡宜達等有份演出嘅《中國乒乓之絕地反擊》，以20世紀90年代初，曾經盛極一時的中國乒乓球男隊陷入低谷為故事背景，當時瑞典隊異軍突起，技術打法遠遠拋離對手，鐵腕少帥「戴敏佳」臨危受命，組成一支男乒新軍，包括負傷主力、失意老將、千度近視嘅削球手，以及缺乏大賽經驗嘅雙子星，主教練戴敏佳許下豪言壯語，揚言只須兩年即可收復失地，讓國乒男隊重奪世界第一寶座，裡裡外外均質疑「中國隊還能登上世界的巔峰嗎」！？
《中國乒乓之絕地反擊》取材於1992年至1995年間，被公派前往意大利執教嘅乒乓球教練蔡振華（由鄧超飾演『戴敏佳』原型）回國擔任主帥，帶領丁松、馬文革、王濤、劉國梁及孔令輝喺天津世錦賽絕地反擊嘅故事。電影請來五虎將之一嘅馬文革擔任技術指導，聯同18位專業教練，為片中演員進行嚴格嘅乒乓球訓練。身兼導演及主演嘅鄧超，由於需要活現蔡振華用左手打球嘅特色，堅持接受魔鬼式特訓，由完全不懂打球升格至用左手打球亦能揮灑自如，於電影中多場球賽盡顯功架。
演而優則導嘅鄧超，認為批評係最好嘅藥，以該戲反映不被看好嘅人，與一群不被看好嘅人，如何走出低谷並絕地反擊，希望觀眾睇完搵到共鳴，鄧超嘅太太孫儷飾演戴敏佳妻子王盈，為戰意激昂嘅運動電影帶來縷縷細膩與柔情，同時令戴敏佳呢位魔鬼教練嘅形象更立體，王盈一直默默支持丈夫，時刻為丈夫護航，恰如孫儷對鄧超夫唱婦隨，戲裡戲外皆為老公嘅重要支柱，而飾演教練及運動員嘅演員各具性格及特色，令人留下深刻印象，精采乒乓球賽事連場，拍攝及呈現手法獨到而清晰，帶動劇情峰迴路轉，令觀眾熱血沸騰。
