57歲夏文汐自2017年拍完TVB劇集《逆緣》便返回美國長居，間中到內地工作兼跟好友見面，雖然喺香港罕有喺公開場合露面，不過佢非常活躍拍片分享生活點滴。
資深傳媒人汪曼玲日前跟夏文汐及葉童相聚，原來夏文汐由美國回港，相中見夏文汐保養得宜，肌膚白皙，整個人內而外散發出優雅韻味，而葉童花白超短髮造型，亦突出其型格個性，二人年紀均接近60歲，仍然星味不減！
夏文汐與葉童80年代初均係五洲景龍電影公司藝人，憑電影《烈火青春》出道，並雙雙獲提名第2屆香港電影金像獎最佳新人獎，夏文汐憑《唐朝豪放女》大膽演出奠地性感女神地位，葉童則挑戰不同類型影視作品，二人直至2009年，夏文汐與葉童為第28屆香港電影金像獎頒發最佳編劇獎，由於工作各有各忙，加上疫情關係好耐冇見面，今次係佢哋相隔14年再聚首。
夏文汐於80年代初憑《烈火青春》爆紅，演藝事業發展不俗，佢卻選擇嫁畀商人黃冠博，婚後淡出影圈定居美國，為老公誕下三名兒女，直至90年代先復出拍戲，夏文汐曾參與TVB劇《逆緣》演出，與黎諾懿喺劇中譜出姊弟戀，現實中嘅夏文汐雖然曾傳婚變，不過夏文汐一直未有回應離婚傳聞。
