學煮「大良炒鮮奶」品嚐順德佳餚

戴祖儀、李芷晴及周奕瑋早前孖住何沛珈、麥美恩（Mayanne）、陳嘉慧分成三組，分別去韓國、泰國同日本拍攝旅遊節目《請一日假去旅行》，呢日作客《流行都市》分享拍攝趣事。

李芷晴預告曼谷篇有許多火辣場面，著小背心、泳衣亮相，身邊戴祖儀即望一望自己上圍，佢續道：「終於知道點解唔係我去曼谷，我同Mayanne日日著住羽絨去咗好多唔同嘅地方，好多新嘅打卡同扮靚店舖，好適合大家去，韓國注重扮靚，有啲機望一望你，就知你要化啲咩妝。」

周奕瑋作為呢個節目唯一走男女組合嘅路線，好開心整個旅程拍攝感覺有啲似小日劇，李芷晴出發當日適逢生日，節目組安排去猛男餐廳慶生，一班小背心猛男太熱情，令李芷晴有啲招架唔住，周奕瑋主動問戴祖儀知唔知Mayanne喺韓國有冇艷遇，戴祖儀即叫Mayanne緋聞男友許文軒放心，指Mayanne係有色心冇色膽，問完OPPA拎IG轉頭就unfollow。

周奕瑋雖然冇艷遇，不過佢哋喺日本餐廳接受日本電視台訪問感到好興奮，周奕瑋遺憾未能用日語原聲出鏡：「配音咗日文出嚟，原來係講外國人都被餐廳吸引到，如果我哋日文太流利，可能怕我哋係『做媒』，就將我哋現場嘅廣東話配日文，我有啲失望。」

此外，安德尊早前作客一個節目時，自爆喺好拍檔宋芝齡推介下，喺韓國買咗一座山，呢日安德尊笑談買山事件：「個山係我叫佢影畀我，原來山下面有塊地，成個夾埋係一個山地，真係呀！係咪好笑！嚇到我死，嗰個幾百萬唔知等到幾時先開…算啦！係咁啦！」

戴祖儀爆麥美恩有色心冇色膽安德尊親述韓國「買山」爆笑事件

娛樂新聞

學煮「大良炒鮮奶」品嚐順德佳餚

飲食

不可能任務丨「幕後黑手」曾志偉爆背後洋蔥賴慰玲嗌劈炮戴祖儀填詞感動團員

足料惹味「薑蔥砂鍋煀龍躉片」製作考功夫

清潔廚房小貼士不如由抽油煙機開始

超級毛特兒大賽｜黃嘉雯比堅尼上陣騷好身材超毛周日決賽定冠軍

蘇民峰：鼻子透視女士婚姻運程？拆解偏財鼻面相

思家大戰｜毛特兒隊大獲全勝主持好默契橫掃獎金