胡慧中愛女何嘉珍（原名何淦璇）一向忠於做真實嘅自己，曾加入TVB做兼職，有傳現職公關，佢不時喺小紅書分享近照，以野生模特及時尚博主自居，似乎喜愛做幕前，並分享穿搭秘訣，又介紹不少熱門打卡位。
何嘉珍最近轉戰做埋YouTuber拍Vlog，努力做全方位網紅，日前何嘉珍獨遊長洲自拍Vlog，原來佢冇用八達通，要走去買船飛，主要紀錄搭船過程、鏡頭下嘅打卡照，包括沙灘、球場及茶飲店影相！
胡慧中曾係70年代「台灣四大美女」，於1998年與何志平結婚，育有寶貝女何嘉珍，之前何嘉珍嘅外貌、體型被攻擊，幸好佢性格樂天、內心強大，實踐自信美，「不要被身材困擾，想穿甚麼衣服就穿」，何嘉珍曾與一名內地男子拍拖，可惜呢段戀情「見光死」，公開關係僅3日即分手，見何嘉珍獨遊拍Vlog，一個人生活也活得自在，相信佢已走出陰霾。
