曾任TVB第一代新聞主播嘅資深主持；人稱朱翁嘅 朱維德 12號突然傳出離世。消息一出網上即有唔少悼念文，不過朱翁太太親自回覆傳媒，指現年92歲嘅朱翁無礙，惟年事已高居於安老院舍，亦有認知障礙問題。
朱翁生於廣州，對歷史同地理有深厚研究，當年仲發現位於現將軍澳電視城附近嘅佛頭洲稅關遺址。60年代中期獲引薦加入電視台，後來轉投TVB主持多個文化同旅遊節目，又不時將所學知識融入當中，同時亦參演多部唔同電視劇，好似《同事三分親》、《畢打自己人》、《巾幗梟雄之義海豪情 》，近年嘅《牛下女高音》等等，2014年獲頒發專業演員大獎，表揚多年貢獻。
#朱維德 #朱翁 #婦女新姿 #都市閒情 #同事三分親 #畢打自己人 #巾幗梟雄之義海豪情 #牛下女高音