今年嘅「香港國際影視展2023」，各大電影公司為咗吸引客戶嘅注意力，都將佢哋個攤位悉心布置一番，當中寰亞電影就以佢哋嘅重磅電影《九龍城寨：圍城》作為藍本，將攤位布置成戲中場景，當中嘅各間店舖招牌都變成一眾演員名，成為打卡熱點。

場景內有以電影主角之一任賢齊個名命名嘅「任賢齊燒臘飯店」，所以日前小齊一落機，就即趕到現場「巡視業務」兼做一天店長，佢仲帶埋新鮮熱辣嘅燒鵝髀嚟請戲中兩位拍檔黃德斌同伍允龍食，之後佢哋仲喺個布置入面不停影相打卡，引嚟唔少途人圍觀，非常熱鬧。
佢哋三個喺攤位入面周圍打卡。
對於攤位內嘅布置，小齊讚嘆不已，仲話係還原香港七、八十年代嘅九龍城寨環境、建築同生活方式。請到佢有份主演嘅電影《九龍城寨：圍城》，小齊拍入面有好多精彩動作場面同兄弟情誼，所以自己都非常期待上映。
小齊自己帶埋燒鵝髀嚟「巡舖」。
看到以他個名命名嘅燒臘飯店，小齊即時勾起最初嚟香港拍電影時嘅回憶，佢話：「我最初認識的香港美食文化，並不是推著車子賣的點心，而是香港的燒臘，叉燒、燒鵝、燒鴨和臘腸，對於我是充滿回憶的香港味道。」佢仲以烹調美食嚟比喻電影界台前幕後嘅努力，指好睇嘅電影就好似煮餸，好嘅導演就係廚師，演員係食材，工作人員就好似調味料同火喉咁，大家努力炮製電影盛宴。
攤位以電影《九龍城寨：圍城》作為藍本。
最初拍攝電影時，角色都係小生、以愛情片為主，小齊話：「但自從加入『寰亞電影』後，我就180度大轉身，演悍匪、反派和嚴肅提材的角色，由《大事件》到《神鎗手》，很多很多，還有《樹大招風》，最近就是《九龍城寨：圍城》。謝謝公司給我緣份接觸到很多好導演、好演員和堅毅的團隊，讓我對電影更多領悟和成長。」

張曦雯 (Kelly) 與英日混血兒男友Mark Brunyez於年初三一齊陪屋企人食下午茶，見張曦雯同男友拍拖多年，展開甜蜜同居生活，感情相當穩定，早已見家長，男友Mark坐喺未來外父外母身邊，二人幾有夫妻相。

張曦雯閨密唐詩詠及好友伍允龍現身。

席上見到張曦雯閨密唐詩詠及好友伍允龍現身，之前唐詩詠一度與伍允龍傳出緋聞，指二人合作《鐵拳英雄》撻著，唐詩詠被發現親自揸黑色辣跑，接載伍允龍離開電視城，其後唐詩詠否認戀情，指彼此係好朋友， 唐詩詠更稱伍允龍係「師兄」，而張曦雯就叫伍允龍係「大哥」，可見三人相當老友，趁農曆新年大時大節一齊相聚，未知係咪怕再次傳出緋聞，所以張曦雯坐喺佢哋中間！？
張曦雯與英日混血兒男友Mark Brunyez於年初三一齊陪屋企人食下午茶。唐詩詠同張曦雯相當老友，不時約食飯。