隱形戰隊丨女女跛腳真相曝光爆喊戲獲讚馬國明為唐詩詠食辣搞笑夠晒冧

TVB熱播劇《隱形戰隊》噚晚（3月31號）第20集引爆高潮位，女女（林子善飾）膝頭中槍致失去左腳真相終極曝光，原來當日心急邀功、唔聽指令行動嘅就係女女，並驚爆Ocean（馬國明飾）為咗保存女女名聲先硬食死貓，女女因未能接受自己黑暗面，一直記唔起關鍵線索。

女女因為某啲事同 Ocean 及 Shadow（劉佩玥飾）發生爭拗。

，其間因為 Ocean 大叫：「女女你同我企喺度」，女女啲回憶就返晒嚟。

噚晚女女得悉真相後，無論係子善嘅演繹或相關對白均相當震撼感人，情緒激動、青筋暴現兼滿眶淚水嘅女女，對著Ocean叫喊，「你越偉大，我就越想搵窿捐」、「我寧願你咩都冇做過」，女女自責又內疚係自己導致「O寶」，所有嘢都係自己一個造成，最後女女離開前向寶寶（唐詩詠飾）、Cool Sir（陳山聰飾）等人爆 Seed，請求二人唔好再跟住佢，對於子善喊戲，網民紛紛予以正評，稱睇到好心酸。

自責又內疚的女女續說：「唔係我，寶寶就唔會同你分手。」子善嘅喊樣又激動又自責又帶點我見猶憐。情緒激動、青筋暴現兼滿眶淚水的女女，對著 Ocean 叫喊。最後女女離開前向寶寶（唐詩詠飾）、Cool Sir（陳山聰飾）等人爆 Seed。

是集子善「喊功」考牌作，除咗跛腳真相場口要喊至歇斯底里，喺山頂與Ocean、寶寶及 Cool Sir 感動互動場口，遭Madam Fong（江美儀飾）戲弄、以為辭職一事「弄假成真」，均係眼淚鼻涕演出，該幕子善更係經歷情緒過山車喊完再笑再狂歡。短短一集劇要喊足三個場口，難怪子善之前受訪時笑言《隱形》係從演多年「最吃力」，透露「情緒過山車」喺拍攝現場經常出現：「有時一返到公司就要喊，但第二場要笑，第三場普通情緒，第四場又喊過。所以嗰段時間情緒上好辛苦，加上好多對白都係分析性，所以係咁多年最吃力嘅一套劇。一個禮拜總有四、五場喊戲，然後好多資訊要講要記，好在唔使打埋咋。」

最終四人喺山頂「大團圓」，一抱泯恩仇。問到點解喊到如此有「穿透力」，子善笑言全靠監製文偉鴻（Jazz）嘅貼心安排及幫助：「有時啲位（情緒）爭少少，監製會叫我培養吓情緒先，因為喊戲好多時要喊成個鐘或45分鐘，因為唔係一次過拍晒，有時要分機位拍。Jazz 好好嘅，佢會拍晒我啲喊戲先，wide shot 之後先補番，佢真係好錫演員。同佢拍動作戲同埋悲情戲好放心，只要你做足功課有聽書，同佢拍戲會有所提升，所以 TVB 好多演員都好想拍佢啲嘢，因為有得著。」子善喊功喺劇組享負盛名，劉佩玥之前接受《東張西望》訪問時便曾踢爆子善有幾喊得：「我哋圍埋一齊睇第一集時，子善見到自己醫院嗰幕戲，竟然喊到要走出去平伏情緒，佢真係好可愛！」

江美儀呢個古惑樣好好笑。以為自己冇得再做 POTT 嘅女女，喊到眼淚鼻涕都流埋。

本集輕鬆位落喺劉穎鏇（Tiffany）、劉佩玥（Moon）及馬國明身上，被譽為新一代性感打女嘅二人，昨晚惡鬥「男友視角」，Moon 向子善大玩「溫柔按摩」，繼續背心Look上陣嘅 Tiffany轉著短裙大玩「Pretty Woman」，令網民睇到心心眼兼留言直指「鏇鏇可以升呢做仙氣女神」。至於馬明則憑「逗趣食辣連環圖」贏得民心。

劉穎鏇「少女心事」表情包。Moon 向子善大玩「溫柔按摩」。本集輕鬆位落在劉穎鏇與陳山聰、劉佩玥與林子善調情身上。Tiffany轉著短裙大玩「Pretty Woman」。馬明呢幕為咗詩詠食辣，又搞笑又冧。馬明食辣連環圖相當逗趣。馬明食辣連環圖相當逗趣。馬明食辣連環圖相當逗趣。詩詠個樣冧到！