TVB熱播劇《隱形戰隊》噚晚（16 日）「黑心殺人換心」案落幕，凌毅（許家傑飾）與無辜嘅周曉悅（葉蒨文飾）雙雙身亡，殺手陳環（羅孝勇飾）則重傷並轉為污點證人，至於 Cool Sir（陳山聰飾）則因與凌毅曾為同袍兼好友，加上被調離林偉樑失蹤案調查小組期間現身案發現場須接受聆訊，其間遭 Madam Fong （江美儀飾）處處針對，事件引發 POTT嘅Madam Fong與CTRU嘅張Sir（歐瑞偉飾）之間角力戰升級……

葉蒨文意外身亡，「黑心殺人換心」案落幕。凌毅與無辜嘅周曉悅雙雙身亡。

噚晚最爆笑係Ocean（馬國明飾）因想獲得寶寶（唐詩詠飾）「喪鬧」錄音以助入眠，喺火鍋店食和頭酒期間故意出言挑釁寶寶，雖然寶寶畀面Cool Sir及囡囡（林子善飾）一再死忍，但因Ocean越搞越過份，最終忍唔住爆Seed一輪嘴喪鬧Ocean「你係咪明玩嘢呀？我從未見過人好似你咁幼稚咁變態咁核突咁乞人憎」， 無論係詩詠嘅嬲爆樣定係馬明嘅得戚樣均相當過癮。

Ocean喺火鍋店食和頭酒期間故意出言挑釁寶寶。最終寶寶忍唔住爆Seed一輪嘴喪鬧Ocean。
昨晚一場羅孝勇及馬明嘅 「短刀 VS 筆」大作戰，獲讚打鬥精心設計又精彩，羅孝勇被指脫胎換骨，馬 明則獲讚唔單止好有型，仲要連眼神都好夠殺氣，場口與演員同獲好評。不少網民均以為馬明手持嘅係原子筆，原來該支筆另有乾坤，監製解釋馬明用嘅係有攻擊用途嘅戰術筆（Tactical Pen），鋼水係唔同，Tactical Pen仲有一個刺針尖頭； 今晚呢集同樣有亮點，首先有「最強Body」之稱嘅劉穎鏇（Tiffany），其飾演嘅邢風將與Cool Sir體能大激鬥。二人為咗爭奪CTRU內部體能競技賽第一名進行 一對一對決，其間需通過多項體能考驗，包括掌上壓、sit up、負重跑輪軚、負重單手射槍、瓹繩網、邊跑邊跨越不同障礙物，包括雪糕筒、平衡木等……官方昨日率先發佈嘅「搶先睇」片段，Tiffany與山聰明顯吓吓嚟真晒超強體能，Tiffany獲留言大讚「強勁」及射擊時有型有款。

羅孝勇與馬明激烈打鬥。原來馬明手持嘅並唔係普通嘅筆，而係戰術筆 Tactical Pen。打打吓山聰加入戰團，眼神各有各狠。
三位演員亦交足功課，最終羅孝勇慘敗重傷。

雖然Tiffany鏡頭前開槍英姿颯颯，真實嘅佢不但對槍械零知識，起初接觸時更直認好驚：「我由細到大都冇玩video games，對槍真係零知識，所以到我要揸槍，由點樣上子彈，點樣攞槍靚，呢啲全部對我嚟講好新鮮，我真係咩都唔識。 所以初初我學嘅時候係一頭霧水，我都係一直學一直學，多啲觀察人哋點擺甫可以好睇啲。第二難關就係點樣開真槍唔眨眼，真係極大挑戰，個槍聲真係好大， 嗰個聲同埋前面閃嗰吓火力真係會好驚，我不停逼自己唔眨眼。我覺得拍拍吓係會有進步，會搵到唔眨眼嘅竅門。」 

其實 Tiffany 都幾有搞笑天份。Tiffany 啲眼神勁有火。
另一亮點則落喺「誘惑擔當」劉佩玥 Moon 身上，其飾演嘅Shadow雖然表面進取、硬淨又貪靚，但背後卻有著悲慘身世。Shadow因為有個爛賭爸爸，自小不但要四出避債，母親過身後更擔起為爸爸還債重擔，不過其父並未因而心足，更強迫Shadow出錢畀佢結婚，二人為此在街上拉扯，幸得Ocean英雄救美，甜在心頭嘅Shadow即乘機邊跳飛機邊示愛，其間不但向 Ocean投懷送抱，更極可愛地做出「撒嬌最佳示範」，想感受Ocean與Moon嘅粉紅氣場？密切留意今晚播出第10集《隱形戰隊》。

Shadow今晚會向 Ocean 盡訴心中情。席間仲會投懷送抱兼示愛，到底 Shadow 係點樣打開呢道契機呢？另一亮點則落在「誘惑擔當」劉佩玥Moon身上。呢個「最佳撒嬌示範」，係咪好夠電力先。
《隱形戰隊》逢周一至五晚八點半翡翠台播映

TVB新劇《隱形戰隊》，昨晚（16日）「黑心殺人換心」案落幕，一場羅孝勇及馬國明的「短刀VS筆」大作戰，獲網民激讚打鬥精心設計又精彩，羅孝勇脫胎換骨，而馬明唔單止好有型，仲要連眼神都好夠殺氣！不少網民均以為馬明手持的是原子筆，但監製文偉鴻（Jazz）昨晚在社交網留言指，支筆原來另有乾坤：「馬明用嗰支唔係普通原子筆，而係有攻擊用途的戰術筆Tactical Pen」。事後Jazz補充謂：「呢支筆鋼水係唔同，我哋劇入面所用嘅Tactical Pen，仲有一個刺針尖頭。」