鄭欣宜演唱會｜Do姐任嘉賓戀情電視台乜都答欣宜突擊失敗現學現賣抄答案

娛樂新聞

2023-03-17 23:30

相隔短短9個月就再踏上紅館開新一個演唱會嘅鄭欣宜，一連三場演出，除咗花鉅資打造舞台，又向場館申請任觀眾拍片影相，而欣宜一出場就連場勁歌熱舞，又換上多套唔同歌衫演唱多首歌曲。

首場就請嚟鄭裕玲擔任嘉賓，自言欣宜未出世已經睇住佢大嘅Do姐，喺台上又大讚欣宜一直努力走出自己嘅路，佢哋又喺台上互相快問快答，Do姐仲坦承目前自由身不知幾享受，就連感情事都玩埋一餐，點知欣宜就嚟個突擊反問，但係經驗豐富嘅Do姐，又點會咁易被考起吖。

鄭欣宜演唱會｜尾場完騷Fans不捨Encore再Encore 欣宜唔夠喉盼加場辦巡迴

娛樂新聞

2023-03-20 15:30

鄭欣宜一連三場紅館演唱會圓滿結束，最後一場為咗自己獨佔舞台冇請嘉賓嘅佢，全場又唱又跳為Fans表演，又同台下歌迷大合唱《女神》，就算完場之後大家都唔捨得走，Joyce仲多次重返舞台為大家Encore，之後以《愛．回家》嘅《擁抱愛》同清唱《給最開心的人》為表演畫上句號。

訪問時講明唔夠喉嘅佢，又提到希望有機會可以再加場，更加想巡迴世界各地演出，但係就同時擔心思鄉病，真係十五十六都唔知點算好喇。