陳豪細心為愛妻準備驚喜旅程 陳茵媺晒閃爆韓服look享受浪漫時光

陳豪同陳茵媺一向係恩愛夫妻，上個月陳茵媺喺社交網上載老公陳豪同仔女送畀佢嘅情人節禮物，陳豪出席宣傳活動時，漏口風透露已為愛妻準備驚喜旅程，不過佢對細節守口如瓶，今日終於貼新相「揭曉」，原來佢帶愛妻去韓國旅行！

見陳豪與陳茵媺身穿韓服逛當地景點，一向係愛妻號嘅陳豪，更化身攝影師操刀喺北村韓屋村係咁影，盡情享受二人世界嘅浪漫時光，陳茵媺打扮亦相當靚，少女感滿滿，未知佢哋嘅合照係咪叫途人影，陳豪望鏡頭似乎有啲怕羞，幾張合照都有啲面紅！