蔡徐坤宣佈辦全新世界巡迴 五東南亞城市優先欣賞

內地唱作人 蔡徐坤 喺社交平台宣佈，將展開全新世界巡迴演唱會，海報仲註明香港、澳門、曼谷、新加坡以及吉隆玻等地，似乎呢次巡迴已經確定會喺呢五個城市上演喇。

2018年參加《偶像練習生》以總票數第一名正式出道嘅佢。隔年發行首張數位EP，仲成為2019年全網銷量冠軍，2020年發佈嘅單曲《情人》，喺內地15個音樂榜單都位居第一，除咗成為多個音樂榜年度十大金曲之外，又喺多個串流平台播放量超過千萬次。

之後喺2021年發佈創作專輯《迷》、2022年嘅原創單曲《Hug me》，一樣極受歌迷愛戴，亦不斷刷新唔同平台記錄。蔡徐坤年初嘅「音樂美學實驗」打破傳統新歌發佈慣例，先喺舞臺公開表演同大家見面。佢仲指今次世界巡迴演唱會，無論音樂、舞台視覺、概念藝術實驗性定係舞台設計，都將帶來前所未有驚喜。