連詩雅婚前派對邀梁諾妍陳自瑤出席 被陳家樂爆「減肥入魔」大晒骨感美

陳家樂去年６月初向女友連詩雅（Shiga）求婚成功，一對準新人懷着幸福愉快嘅心情籌備婚禮，二人於4月24號拉埋天窗，連詩雅噚日盡情享受Bridal Shower嘅歡樂時光，邀請好友黎紀君（Christy）、梁諾妍（Inez）及陳自瑤（Yoyo）出席派對，接受姐妹朋友們嘅禮物與祝福，正式告別單身。

結婚大日子在即，準新娘當然希望喺最後階段保持最佳狀態，連詩雅早前被老公陳家樂爆佢減肥入魔，呢日見佢身穿白色背心連身裙，身形fit到漏，又大騷白滑長腿，合照當中見連詩雅另一造型係著上靚靚婚紗，跟同樣穿上白色dress code嘅好姊妹黎紀君及梁諾妍等擺甫士影相，之後眾人一齊圍埋喺長枱食美食歎美酒。