馬天佑避談何超蓮婚訊代吳千語澄清尚未結婚

娛樂新聞

2023-03-26 17:30

周汶錡、馬天佑、雷凱欣及何嘉莉等呢日現身一個藝術晚宴，馬天佑成為焦點，皆因佢兩位好友何超蓮及吳千語分別傳出好事近。

何超蓮與內地藝人竇驍嘅婚禮甚囂塵上，有指佢哋4月拉埋天窗，作為超蓮好友嘅馬天佑，稱跟佢哋3年冇見面，佢亦冇見過竇驍，而另一好友吳千語與男友施伯雄越愛越高調，馬天佑斬釘截鐵代千語澄清，指好友仍未結婚。

周汶錡集名模與索媽於一身，於2012年嫁法籍老公Julien Lepeu，婚後育有兩子，周汶錡細仔早前6歲生日，家人為佢舉行生日派對，佢笑言大仔有啲妒忌，問幾時到自己開派對；雷凱欣自從嫁畀圈外老公便淡出幕前，留喺家中做全職媽媽，目前阿仔已6歲，佢心思思考慮復出。

鑽石山兇案｜林作疑被保險公司解約抽水指有同款鞋拍賣惹眾怒

娛樂新聞

2023-06-04 13:04已更新：2023-06-04 13:08

近日喺鑽石山發生兇案之後，當日片段圖片瘋傳，社會對慘劇都高度關注，自稱為香港抽水王嘅林作隨即出Post指自己有嫌犯同款跑鞋出售，不過呢次唔少人就認為佢太過火。雖然之後佢已瞬即將相關Post刪除，但係又連日多次出Post指出自己呃Like抽水「沒有任何事情是不應該被用來開玩笑的」，引起網上一片討伐。

事後林作指「堅決不為我的言論道歉」，不過星期日中午，林作任職嘅保險公司，就罕有於允許於社交平台出Post，指有理財顧問就社會悲劇作出不當言論及行為，故已終止合約。

簡短聲明又指公司內有清晰社交媒體指引，故個人言論並不代表保險公司立場。而公司內部亦有消息指，涉及被終止合約者為林作。