Baby內地獲頒演員獎 黑天鵝造型瞬登熱搜
楊穎（Angelababy）日前同其他大批內地紅星好似劉詩詩、胡歌、劉亦菲同楊冪等，一齊現身3年來再度舉辦嘅微博之夜，Baby當日仲分別以「黑天鵝」同「夢幻公主」兩個唔同風格嘅造型亮相。
呢日Baby仲獲大會頒發「年度質感演員」獎，更獲前輩惠英紅送上鮮花祝賀。Baby去年先後拍攝咗《風起隴西》與《愛情應該有的樣子》兩套劇集。
網友對當日Baby兩個唔同的風格造型引起熱烈討論，而「楊穎黑天鵝」更登上微博熱搜第14位；「黑天鵝」同頒獎環節嘅夢幻公主造型，Baby都分別以兩個品牌嘅2023春夏高訂晚裝出現，再配以名貴高踭鞋，同名貴珠寶首飾。有網友就話Baby好似由童話故事當中現身嘅公主一樣明媚溫柔喇。
除咗兩種唔同風格造型之外，Baby仲首次體驗虛擬時裝。由數位高訂時裝設計師專屬訂製嘅「金屬海浪」，Baby好似身披鎧甲一樣，金屬質感營造出滿滿未來感。