今年8月底舉行嘅「第80屆威尼斯國際電影節」今日公布，早前先獲亞洲電影大獎頒發最佳男主角殊榮嘅 梁朝偉，同意大利女導演莉莉安娜·卡瓦尼，一齊獲得終身成就金獅獎。 影展董事會根據電影節總監阿爾貝托·巴貝拉(Alberto Barbera)建議作出決定。
曾參演大量電影作品嘅梁朝偉，過往主演嘅三部作品曾先後成為威尼斯國際電影節金獅獎嘅得獎影片，包括侯孝賢嘅《悲情都市》(1989)、陳英鴻嘅《三輪車伕》(1995)同李安嘅《色，戒》(2007) 。
偉仔得知電影節公佈消息之後表示：「我對嚟自威尼斯雙年展嘅消息感到不勝榮幸，希望同我合作過嘅所有電影製作人一齊慶祝呢個獎項，呢個獎項亦係對佢哋所有人嘅致敬。」
香港導演吳宇森喺2010年成為首位華人導演獲頒威尼斯國際電影節終身成就金獅獎，丌許鞍華就喺2020年成為全球第一位獲得呢個獎項嘅女導演，梁朝偉更係首位亞洲演員獲得呢項殊榮，可見偉仔喺國際上地位所受嘅重視。
