林寶結束長假回日本繼續學業康子妮不捨大仔喊咁口

康子妮同林曉峰喺日本讀緊書嘅大仔林寶，早前趁長期返咁嚟香港陪家人，作為媽媽嘅康子妮見到個前世情人返咗嚟當然勁開心，唔駛開工嘅日子都會同個仔周圍去，飯局、按摩、陪個仔驗身，簡直就係廿四孝媽媽！康子妮同林寶去按摩。林寶返香港期間，康子妮同佢日日黐實。
不過開心嘅日子過得好快，轉眼間林寶個假期就完咗，要返日本繼續學業喇！康子妮呢位廿四孝媽媽當然都有去送機啦！佢喺社交平台上載咗呢段時間同林寶影嘅相，留言話：「雖然唔係第一次送你走，但係每次都一樣好唔捨得！」仲打上「mysonsaremybestfriends」、「永遠都係bb 」、「放手也是一種愛」等hashtag，真係睇字都feel到康子妮有幾咁唔捨得呀！
康子妮個細佬（左1）同林寶都返咁嚟香港。