梁詠琪開腔回應MV捲抄襲風波 製作團隊積極尋求解決方法

梁詠琪開腔回應MV捲抄襲風波 製作團隊積極尋求解決方法

梁詠琪與台劇男神施柏宇呢日出席一個時尚活動,梁詠琪早前為慈善團體錄製MV捲入抄襲風波,今次MV係由林嘉欣丈夫袁劍偉執導,目前影片已下架,梁詠琪有談及此事,稱導演正在正面處理中,大家要積極尋求解決方法。

梁詠琪日前與好姊妹李心潔、楊采妮及許茹芸喺疫情後重聚,四人有3年幾冇見面,大家傾偈傾天光,感覺回到少女時代,梁詠琪覺得一切都係緣份,大家咁啱去台灣工作。

歌神許冠傑與炎明熹龍婷合唱 密鑼緊鼓為演唱會綵排

歌神許冠傑(Sam)於3月30號起一連三場「許冠傑最緊要好玩演唱會2024」仲有唔夠一個星期就舉行。Sam密鑼緊鼓練習,又與演唱會嘉賓龍婷及炎明熹(Gigi)一齊綵排。 其中頭場嘉賓龍婷與Sam綵排當日,雖表面冷靜,但內心原來十分緊張。

Sam密鑼緊鼓練習,與演唱會嘉賓龍婷一齊綵排。

龍婷指能夠擔任Sam哥嘉賓,簡直好似發夢咁,心情非常興奮,因為自己從冇諗過以呢個身份,跟「歌神」喺演唱會上合唱。而Sam與炎明熹綵排當日,旦哥鄭丹瑞驚喜直播,直擊綵排現場。

Sam與炎明熹綵排當日,二人不時認真討論細節。

二人喺綵排《冬暖》一曲嗰陣,Sam不時與Gigi認真討論細節,又大讚佢唱得十分好。Gigi喺直播中更「賣口乖」指自己比上次與Sam練歌時更加緊張,皆因呢次連旦哥本人都在場。旦哥聽聞後笑指Gigi「大個女、識講嘢」,懂得哄長輩開心! 是次「許冠傑最緊要好玩演唱會2024」表演嘉賓有3月30號嘅龍婷,3月31號有炎明熹,以及4月1號有梁詠琪,以及3晚會出場表演嘅香港兒童合唱團。

 相關推薦

熱門搜尋