前年突然閃婚嘅 邱澤 同 許瑋甯 ，婚前婚後都一樣保持低調作風，仲甚少見到呢對結婚冇耐嘅夫妻放閃曬幸福。不過呢日邱澤出席一個活動時，就首次戴住婚戒出現喇。雖然老婆不時都會上載下佢哋嘅生活點滴，但係佢就話自己甚少上網，所以自己生活嘅Update大家都可以去睇瑋甯嘅社交平台咁話喎。
連朋友都投訴佢成日唔見人，不過邱澤就話唔覺有問題，仲借啲易爆出手機密碼就係太太生日，真係閃到眼盲呀。佢哋雖然宣佈咗結婚，不過婚宴就一直未有時間舉行，呢日就話要等雙方工作都有空檔先安排到，仲話對小朋友呢件事共識喇。
太太人靚戲好仲連廚藝都一流，呢日佢就爆過年休息期間肥咗足足好幾公斤，仲對老婆拿手好業都一一如數家珍呀。
