關菊英攜伴出席好友飯局精神爽利 葉童袁詠儀謝天華暢飲盡興

哥哥生前經理人陳淑芬早前籌辦張國榮紀念音樂會，專心做好個騷後，日前佢設宴招待一眾圈中好友食美味私房菜，資深傳媒人汪曼玲在社交平台貼出多張聚會合照，出席有修哥胡楓、羅蘭姐、姜大衞、李琳琳、葉童、鄧萃雯、張智霖及袁詠儀等，久未露面嘅菊姐關菊英罕有現身，且攜伴參加！

眾人飲飽食醉，見葉童、袁詠儀及謝天華等均飲到面紅紅，盡興而歸，見60歲葉童瘦到胸骨凸出，而91歲修哥造型相當搶眼，見佢身穿印有TVB logo嘅tee。 

菊姐與同性密友周偉利（Willy）呢日出席飯局，更開心與眾人影相，菊姐下個月3日係佢65歲生日，屆時又可以相約朋友再聚，菊姐已淡出幕前，過住半退休生活，少有公開露面，2019年又傳過菊姐身體欠佳，被影到多次出入醫院，不過菊姐前年曾同一班《溏心風暴》拍檔敘舊，呢次佢現身整個人容光煥發、面色紅潤，面上流露一臉幸福，相信fans見到都應該好放心，菊姐於2007年邂逅Willy，二人攜伴走過15年，菊姐曾讚Willy好貼心。