「紅眼睛 幽幽的看著這孤城 如同苦笑 擠出的高興」由許美靜主唱、90年代熱播嘅《傾城》，近年因為有唔少電影都拎咗呢首歌嚟做插曲，加上陳奕迅、鄭欣宜、李克勤等翻唱過，令呢首歌不時都會翻熱返，同時亦令大家好奇原唱者許美靜嘅近況。
現年48歲嘅許美靜，2000年因為感情同精神狀況問題而退隱出演藝界，之後曾傳出佢患上思覺失調症，但一直未被證實。直到今年許美靜才開始活躍返幕前演出，1月現身新加坡《春到河畔 2023》獻唱，4月1號亦再出席「好久不見重逢17演唱會」演唱多首歌曲。
喺演唱會上，當許美靜唱完《遺憾》後，佢先喺台上多謝到場支持嘅觀眾，又指呢晚自己嘅爸爸、叔叔、阿姨都有到場，仲對台下嘅爸爸講：「爸爸我愛你。」自言自己好幸運，一路以來有好多人幫自己、讚自己乖嘅許美靜，自爆曾患上精神分裂症：「不知是個性使然，還是命運使然，讓我得上精神分裂症，所以那個時候不是太乖。」台下觀眾聞言都鼓掌叫加油，然後許美靜又分享自己住院時嘅經歷，佢指喺醫院接受治療時，除咗要面對忽然冇咁空氣嘅狀態：「我也面對忽然間失去空氣，好幾次像是快離開了，然後好幾次突然就醒了。我跟主說，我還不想離開，我還有未完成的夢。」許美靜指自己有一個願望，就係喺一個冇壓力，亦路係商業嘅情況下，近距離同歌迷見面傾計，仲話希望呢個願望可以喺不久嘅將來可以實現。
新加坡歌手許美靜，93年參加新加坡歌唱比賽出道，佢嘅歌《傾城》、《明知故犯》、《城裡的月光》、《遺憾》、《都是夜歸人》等都係喺90年代熱播嘅歌曲，不過喺2000年出完《靜電》大碟後，就因為感情同精神狀況問題而退隱出演藝界。