許多娛樂圈內人信奉佛教，眾星呢日現身「寺同道合2023慈善素宴」，呢晚籌得760萬善款，用作修建寺廟；當日曾國祥及曾寶儀更陪伴爸爸曾志偉上台切生日蛋糕賀70大壽，不少藝人更擔任拍賣之星，台下善信亦紛紛競投。
呢晚出席有葉童、高海寧、黃日華、馬德鐘、李司棋、譚俊彥、陳思行（前名陳加玲）、王祖藍、苗僑偉、戚美珍、魯振順、文雪兒、吳麗珠、佘詩曼媽咪、古天樂媽媽、陳敏兒、夏雨、劉江、陳秀珠、肥媽、楊明、莊思明及資深傳媒人汪曼玲等，當中仲有激罕公開露面嘅白茵、剛踏入70歲生日嘅曾志偉、再見亦是朋友嘅吳君祥同江美儀亦有同場，而目前休息中嘅楊明，亦有跟女友一齊出席素宴。
曾志偉呢日將寧波車所贈生日禮物「唐卡」親自拍賣，凡舉行投標者一律付款5萬，「唐卡」籌得過百萬，最後曾寶儀被抽中；至於志偉新抱仔王敏奕噚日為新劇《新聞女王》開工，未有陪同老公曾國祥現身。
