最新嘅上網熱話一定係數菜名嘅林婆婆！為免大家冇睇過唔知咩事，輕輕咁講一講畀大家知先。事緣係有個電視節目嘅問答環節，接受家庭觀眾參加，而打去參加嘅林婆婆，就要喺15秒之內講出最多歌唱組合嘅名稱，但林婆婆就應該將題目聽到「講出最多菜類嘅名稱」，於是就係咁數出唔同品種嘅菜。
呢條片由噚晚開始喺網上瘋傳，就連周星馳亦都有轉載，佢仲喺IG Story上寫：「林婆婆已達無人之境，難得主持人硬生生接下九成功力，依然身光頸靚，亦屬奇才。」可見星爺對網上熱話都係跟得非常貼。
另外，星爺早前因為IG嘅 followers達到一百萬，所以佢就開咗個Q&A環節畀fans問問題：「有望達到1,000,000粉絲之際，來個AMA答謝大家，各位可在評論區向我提出任何問題，小弟會從中挑選作回答。」當然吸引咗唔少人留言問問題，而日前星爺亦開始點答提問，當中有人問到：「星爺有沒有最想對達叔說什麼話？」星爺說回答：「I Love you，後悔未曾親口接達」，另外亦有人留言問星爺有冇掛住舊愛羅慧娟，星爺亦大方以一個「有」字作回應。當然都有啲搞笑嘅對答，好似有人問佢鐘意北姑定陀地？星爺就話要睇價錢，亦有人留言問：「星爺，你喜歡老漢推車還是乞兒煲飯？你話齋，學海無涯，最近有沒有新招式發明？巴黎鐵塔反轉再反轉巳經溝唔到女喇！」星爺搞笑咁話：「其實巴黎鐵塔從來都溝唔到女，我亦身受其害，現緊急求教乞兒煲飯操作細節。」
