周永恒於2014年向趙頌茹家暴，後來趙頌茹難忍周永恒偷食兼家暴，於2017年離婚收場，周永恒喺2018年與內地女友陳薇（Britni）再婚，二人育有1子，當時有傳陳薇家境富裕，周永恒近年未見有工作，仍然生活無憂，專心照顧兒子，今年2月傳出Britni刪走跟周永恒婚照，爆出婚變傳聞，填詞人因葵（陸謙遊）更喺社交平台公開多張周永恒疑遭家暴嘅照片。
周永恒老婆陳薇凌晨在個人社交平台留言反擊，指呢個網絡世界有邏輯嘅人真係唔係好多，陳薇之後又再批評：「呢個荒謬嘅世界想紅想出位嘅人就可以出賣靈魂完全冇良知知可言？」未知佢口中「冇良知可言」嘅人係邊！？
因葵早前流出嘅照片可見周永恒臉部、額頭、耳背及鎖骨均有明顯傷痕，疑似一度留醫， 因葵喺發文稱有人講大話，表示清官難審家庭事，「但一個女人可以不停講大話，誣捏佢老公，仲要四圍唱畀佢老公啲朋友聽，話佢老公打老婆，呢堆相ＷhatsApp cap圖內容係今晚人哋老婆同我嘅對話，其他受傷照片，係佢老公早前入醫院嘅證據，仲要係個老公啱啱做完腦部手術，情緒病逐漸好轉嘅時候，到個老婆發神經，其實有暴力傾向係個女人。」
因葵又指知道周永恒形象差：「或者有人會覺得抵死，但呢個朋友，我用咗超過三年時間同佢相處，你唔會估到佢其實係點，喺你哋眼中佢只係八卦新聞一則，但我見到佢今晚含冤入獄，我實在忍唔住。」
因葵並指周永恆有情緒病，佢哋有一齊研究宗教哲學﹑健身及音樂創作，「但佢做咗腦科手術之後係越嚟越進步，以前佢會喺我面前發洩情緒，而家同我傾嘅係佛偈，一個耶穌仔可以同我傾佛偈，如果佢真係呃我嘅，抵啦！唔好計佢以前自己私生活係點，呢一個世侄唔只係朋友咁簡單」。周永恒老婆陳薇及周永恆好友因葵各執一詞，真係頓時令呢件事變成羅生門！!
