52歲嘅洪欣近年多次傳出同42歲嘅內地洪員張丹峰婚變嘅消息，喺5月1號凌晨，洪欣數度喺微博宣佈同張丹峰離婚嘅消息。
喺凌晨3點幾，洪欣突然喺微博發文，宣佈同張丹峰結束14年婚姻：「我和張丹峰不再是夫妻關係」一個鐘後張丹峰亦喺微博表示：「對，不過了」，仲要@埋洪欣再加上3個掩面笑住喊嘅Emoji。
洪欣同張丹峰喺2009年結婚，婚後二人育有一女張晞彤，而當年愛屋及烏嘅張丹峰，仲將洪欣同莫少聰生嘅囝囝張鎬濂當成自己親生仔。2019年張丹峰同經理人畢瀅傳出緋聞，當時有傳媒影到畢瀅同張丹峰共處喺同一間房7個鐘，女方離開時更加係着住睡袍離開，之後再有媒體挖出張丹峰嘅工作收入，一直都係匯入畢瀅嘅帳戶，由於出軌風波越炒越熱，最後畢瀅宣佈辭職，不過最近再被傳媒發現畢瀅仲幫緊張丹峰處理工作等事務。
上月張丹峰同洪欣喺出軌風波後首次合體直播帶貨，但有網民就指二人貌合神離，估唔到一個月後二人宣佈離婚。