由王晶擔任製作人、鍾少雄監製嘅TVB電視劇《一舞傾城》，將接棒《法言人》由5月15號起逢周一至五晚九點半翡翠台播映，主要演員包括陳法蓉、姚子羚、蔡潔、陳星妤、文凱玲、唐文龍、楊明、關楚耀、高鈞賢、何浩文、鄺潔楹、傅嘉莉、莊鍶敏、莊思明及李嘉等。
《一舞傾城》以80、90年代盛極一時嘅舞廳作背景，故事圍繞當中最火紅夜總會萬國城發生，一班來自不同年齡和階層嘅女生於萬國城相遇成為好姊妹， 眾人一同經歷人生嘅高高低低，從中培養出深厚姊妹情。
《一舞傾城》靚女眾多，單係萬國城已雲集9大不同年齡層女神，包括陳法蓉、姚子羚、蔡潔、文 凱玲、陳星妤、鄺潔楹、莊鍶敏、莊思明及傅嘉莉；陳法蓉飾演「沙律」係「高貴王牌媽媽生」，對屬下「囡囡」有情有義，當好姊妹遇到困難嗰陣，沙律永遠當仁不讓第一時間衝出來擋，霸氣十足。56歲陳法蓉保養得宜，劇中以多套Bling Bling晚裝現身，身材Fit到漏，今次佢相隔6年再拍無綫劇，值得期待！
姚子羚飾演Michelle係「超班警花卧底」，身為警花嘅Michelle為查案混入萬國城做見習媽媽生，劇中子羚將再度大顯好身手，更有一個打幾個動作場口。蔡潔飾演Monica係「當家第一頭牌」， 樣靚身材正嘅蔡潔係萬國城最有名的「金魚」（即眼看手勿動），佢同時係一位「戀愛腦」而因被渣男欺騙做舞小姐。
陳星妤飾演KK 係「萬國城最後一個處女」，年輕貌美嘅KK最大賣點係仍是處子之身，首日開工已打破營業紀錄，係萬國城嘅新晉炸子雞。首次演出重戲份角色嘅星妤，劇中除咗不乏破格演出，仲會以唔同造型現身，包括學生妹、純純小雲Look、性感晚裝等，相當搶焦！
鄺潔楹飾演嘅細細粒及文凱玲飾演嘅Money，前者古靈精怪愛做戲欺騙男人，後者則係爛賭過氣女神，但兩人同屬義氣仔女。至於屬於萬國城29組嘅「毒舌大家姐」魚旦媽（莊鍶敏飾）、「黑帶傻大姐」巴巴拉（莊思明飾）及「冷艷心機女」Paula（傅嘉莉飾），經常同沙律帶領嘅38組搞對抗，最愛撩是鬥非搞搞震。
《一舞傾城》逢周一至五晚 9 點半翡翠台播映