法政劇《法言人》已經播到尾聲，呢日總監製 劉家豪 就約埋劇中嘅一班演員齊齊食飯見面，而除咗口碑不俗令佢哋開心之外，真正專業嘅法律人員讚劇集拍得神似就令佢哋更加高興喇。
家豪哥就話聽到真律師都咁講，事前冗長嘅資料搜集同準備工作可以話功德完滿喇，仲話大家嘅辛勞非常值得，仲連佢同梅小青任職律師嘅公子都讚，就令兩老更為心甜喇。
除咗似足真正法庭情況，金師爺同田律師呢對嘅感情發展非常肉緊，仲有唔少觀眾喺網上留言，不過呢晚兩位主角都未有正面回答往後嘅發展係點喇。
而同樣肉緊又好笑嘅 張頴康 同 蔣祖曼 呢一對，就話估唔到成品會睇到佢哋自己都甜埋一份。而 黎燕珊 今次扮演嘅惡死闊太仲一吐多年苦情女人嘅烏氣呀。
