洪欣婚變鬧劇落幕 發聲明坐低傾掂致歉

洪欣 同年輕10歲嘅內地演員 張丹峰 近日嘅離婚風波結束，洪欣喺母親節前夕一早，發聲明指因為夫妻間嘅情緒問題引起大眾熱議道歉，又指事件不涉之前盛傳為第三者嘅經理人畢瀅，只係夫妻之間鬧交耍花槍。

佢又話經過今次事件之後，夫妻間決定平心靜氣再好好思考學習相處之道，往後以成熟態度面對問題。聲明由洪欣發出，而張丹峰亦同步轉發，亦再次道歉。

洪欣同張丹峰2009年結婚，婚後到2014年誕下一女，直到最近兩人現身直播時被指貌合神離氣氛尷尬，之後更喺網上公開罵戰，內媒更曾指張丹峰偷食經理人畢瑩導致關係破裂。