StarTalk丨谷婭溦打造人性四部曲一改歌路 開音樂學校與吳業坤打對台

StarTalk丨谷婭溦打造人性四部曲一改歌路 開音樂學校與吳業坤打對台

谷婭溦最近打造人性四部曲,歌曲以「假」為主題,谷婭溦接受 許文軒 《StarTalk》訪問暢談近況,嘗試暫別唱慘情歌。

早前返內地工作一段時間,跳出舒適圈面對更多挑戰,谷婭溦想一改歌路,希望講吓人生,以「假」打頭陣,谷婭溦分享選擇唱廣東歌原因,佢對自己嘅廣東話咬字有信心,更嘗試填寫歌詞,點知被監製批評「唔啱音」。

今次推出新歌《Liar》配合主題以不同造型拍攝MV,谷婭溦直言最愛黑化羽毛妝!導演更要求谷婭溦與獨角仙演對手戲,幸好谷婭溦成功克服恐懼,順利完成拍攝;谷婭溦最近除咗忙於推出新歌,更花七位數字開設音樂學校,與吳業坤開嘅音樂學校喺同區打對台!

獨家丨直擊《中年好聲音2》7強排舞情況 古淖文展現超強跳舞實力

歌唱選秀節目《中年好聲音2》將會喺3月24號晚舉行總決賽,7強選手各要準備一首慢歌、一首快歌 同埋一首必殺歌,總共3首歌吸迎戰。

TVB娛樂新聞台呢日就獨家嚟到排舞房直擊大家排舞嘅情況,首先有被公認係唱跳最叻嘅古淖文,佢首次排練已經極速同Dancers夾好隻舞,佢就話因為自己之前拍咗段片,喺屋企不斷睇盡量記,嚟到排舞老師再幫佢mark位。問到佢有冇同谷婭溦一齊加操?古淖文咬牙切齒咁話對方不停督促自己練習,笑言係受到對方嘅虐待呀。

對於自己演出時有手震問題,古淖文話自己已經搵到根源,覺得一切都係心態問題,自從上次放開同谷婭溦演出《Bad Boy》後,已經再冇手震問題。

面對唱跳實力強橫嘅古淖文,大魔王安雅希亦越戰越勇,快歌環節都勁專注學舞,佢話自己喺《中年好聲音2》入面未試過跳舞,對於未試過唱跳嘅佢嚟講係一個好大嘅挑戰,但佢話相信只要肯努力,冇咩係做唔到呀。講到之前畀評判話佢因為減磅而影響咗把聲,安雅希表示而家都有食返少少飯,仲話自己已經好得七七八八,希望到時嘅表現會令大家滿意呀。

顏米羔上次以高難度歌曲出戰,唱到青筋都凸起,決賽夜佢就再拎自己條青筋出嚟唱快歌,排練嗰陣都驚佢唱到斷氣。事後顏米羔都話排到上氣唔接下氣,仲令佢覺得除咗肺容量要夠大外,吸氣都要吸密啲。

唔少選手都畀唱跳呢part難到,連平日睇落唱跳唔錯嘅陳俞霏都話想搵幫手特訓,仲話自己見到都已經有啲腳軟,加上成日同手同腳而畀老師鬧呀。而一早講咗好驚跳舞民part嘅譚輝智同沈宗賢,就𡚒力迎戰解放盤骨跳舞呀。

 相關推薦

熱門搜尋