逆天奇案2丨林夏薇爆方力申介入「逆天CP」 梁小冰相隔26年現身TVB

逆天奇案2丨林夏薇爆方力申介入「逆天CP」 梁小冰相隔26年現身TVB

深受網民喜愛嘅TVB劇集《逆天奇案》,宣佈開拍續集,呢日總監製劉家豪率領一班《逆天奇案2》演員陳展鵬、林夏薇、方力申、梁小冰、陳嘉輝及尹光等現身拜神儀式,家豪哥透露新一輯將邀請一啲充滿新鮮感嘅藝人客串,家豪哥透露尹光係破案關鍵人物。

「逆天CP」林夏薇與陳展鵬喺上一輯分手收場,今次喺新劇情侶檔回歸再續前緣,不過林夏薇預告方力申將介入,令佢同陳展鵬感情有暗湧,小方今次為演好呢個角色努力減肥操肌;《逆天奇案2》另一個驚喜就係搵咗梁小冰參與拍攝,梁小冰相隔26年再拍TVB劇集,跟老公陳嘉輝夫妻檔演出,原來梁小冰被劇本感動,更分享兩公婆拍劇嘅好處!

逆天奇案2|金牌監製劉家豪率眾演員為榮休作宣傳 劉佩玥向觀眾拋線索破身份之謎

TVB新劇《逆天奇案2》即將喺下周一(1號)晚8點半首播,宣布7月榮休嘅金牌監製劉家豪率領陳展鵬、馮盈盈、黃智賢、蔣祖曼、張頴康及劉佩玥(Moon)等一眾演員現身商場進行宣傳。《逆天奇案》收視叫好叫座,所以將《逆天2》視為收山作嘅家豪哥好有壓力,仲話繼承上輯精神,扭盡六壬令觀眾追住睇。展鵬透露劇情將更加精彩,節奏仍然緊湊刺激。

家豪哥入行多年創作過唔少經典作品,即將要退下火線,當然會有不捨心情。所以家豪哥都話一家四口呢次會喺劇中出現以作紀念。家豪哥更喺結局埋下彩蛋,預告林夏薇嘅一句對白係自己向天下有情人講嘅一句話添!

至於講到退休生活,家豪哥就會同老婆梅小青展開郵輪旅行渡假,佢哋因唔捨得一對孫仔,所以佢哋決定分段式旅行,家豪哥亦期待日後弄孫為樂嘅生活。

阿Moon同張頴康呢對反派夫妻喺上一輯收穫唔少觀眾喜愛,雖然阿Moon角色已經死咗,但係佢呢次仍會參與演出。而阿Moon亦向觀眾大拋線索,叫大家用第一輯海報同第二輯做對比,喺眼神同服飾上可以搵到解謎答案。蔣祖曼同黃智賢雖然繼續做一對,但二人感情就遇到唔少危機,更有「最強第三者」出現!

《逆天奇案2》周一至五晚8點半翡翠台播出

 相關推薦

熱門搜尋