55歲吳婉芳喺1986年參選港姐奪亞軍後入行，婚後淡出幕前，佢同老公胡家驊育有兩子一女，近日吳婉芳與三個仔女胡智略（Caspar）、胡智同（Lynus）和胡智晴（Helene），以及新抱霍詠盈（Caroline）同遊東京。
阿仔Lynus喺社交平台分享旅行靚相，見佢同阿哥Caspar跟媽咪影合照，Lynus更搭住媽咪膊頭，佢哋喺SHIBUYA SKY展望台睇城市美景，而吳婉芳身穿格仔恤衫襯半身裙展現優雅氣質！
吳婉芳嘅三名仔女均品學兼優，大仔Caspar畢業於華仁書院及哈羅公學，以一級榮譽成績畢業於倫敦大學經濟系，之後再修讀碩士學位，Caspar前年11月與霍英東孫女Caroline結婚，呢段姊弟戀一向低調，Caroline與叔仔Lynus及姑仔Helene相處融洽。
Lynus與哥哥一樣畢業於同校，之後前往牛津大學升學，Lynus熱愛健身，曾喺英國參加健美先生比賽奪冠，目前佢係專業健身教練，不時喺社交平台大晒完美Body，Lynus去年7月與友人合資開設健身中心，當時媽咪吳婉芳及契爺張學友有到場支持。