思家大戰丨姚子羚帶「一舞傾城隊」攞大獎 蔡潔逆向思維作答鬧出笑話

最近一集《思家大戰》由「一舞傾城隊」姚子羚、蔡潔、陳星妤、莊鍶敏及莊思明，擊敗觀眾隊「my gym girl」，成功攞走最終大獎，一班美女果然係美貌與智慧並重。

蔡潔喺「開口中」環節語出驚人，指女人最怕特別大嘅身體部位係胸部，令隊友及現場觀眾都有啲驚訝，蔡潔受訪時解釋當時腦海一片空白，自言畀錯咗反應，以為係女人最care嘅部位！蔡潔嘅逆向思維作答鬧出不少笑話，好多答案都出乎意料，而莊鍶敏打算用獎金買美食。