陳凱琳同老公著情侶睡衣放閃吳海昕籌備蒙古之旅體驗遊牧風情

娛樂新聞

2023-05-23 23:30

陳凱琳呢日同吳海昕一齊現身一個護膚活動，平時成日上網同老公鄭嘉穎放閃嘅Grace，仲爆嘉穎不時都會偷用自己嘅護膚品，而日前仲著晒印滿頭像嘅情侶睡衣影合照，真係恩愛到暈呀。

本來打算趁520出門撐枱腳嘅佢哋，最後都係因為怕會掛住小朋友，最後都係留喺屋企食飯，仲話準備等暑假帶埋小朋友一齊去外國度假呀。

而Sofiee就認為運動出汗係最好嘅保養方法之一，而近來周圍飛報復式旅行嘅佢，仲好快就打算去蒙古體驗遊牧生活呀。

炎明熹六月中赴台灣畢業旅行陳凱琳愛鑽研炮製營養兒童餐

娛樂新聞

2023-05-29 21:30

炎明熹（Gigi）同陳凱琳（Grace）呢日以健康大使身份出席活動，兩人即場整嘢食，陳凱琳廚藝受一致好評，已為人母嘅陳凱琳，喜愛鑽研炮製營養兒童餐，而炎明熹平時鍾意煮蛋同菜。

大會又安排炎明熹玩瑜伽，見佢做拉筋伸展完全冇難度，目前等待DSE七月十九號放榜，佢趁住有空閒時間與同學去台灣畢業旅行，炎明熹將於六月中出發，已計劃好行程，佢解釋本來計劃去重慶或者台灣，最終佢哋抽籤決定！