衛詩雅膠袋笠又南驚險拍攝 ANSONBEAN處男作打戲過足癮

衛詩雅膠袋笠又南驚險拍攝 ANSONBEAN處男作打戲過足癮

由三個唔同故事組成嘅新片《失衡空間之罪與殺》呢日舉行首映禮,有份演出嘅 黃又南 衛詩雅 蔡詩韵 胡子彤 朱鑑然 ANSONBEAN 等呢日都一齊現身。當中Michelle同又南雖然相識多年,不過今次原來係首度合作,仲一齊「經歷生死」呀。

Michelle話其中一幕要以膠袋索住對方,不過就因為有一定危險性而令佢哋都非常擔心,而又南就連回憶當時都覺得有啲驚險呀。而畏高嘅蔡詩韵就要被困籠中再被吊起,而胡子彤朱仔同就話新片會揭開人性嘅陰暗之處呀。

ANSONBEAN今次唔止首次拍戲,仲有連場動作場面,仲會同朱仔大打出手,令佢覺得既緊張又過癮,仲可以一嘗心願打人呀。

飯戲攻心2丨陳詠燊絕密解構胡楓胡子彤父子關係 羅蘭黎彼得感謝觀眾支持送開運風車

賀歲港產片《飯戲攻心2》已於二月九日公映,送上滿滿福氣畀大家!電影已衝破3,000萬票房,噚日「飯團」長老胡楓(修哥)、羅蘭姐、黎彼得、胡子彤及導演陳詠燊(Sunny)去觀塘一間戲院跟觀眾見面及謝票,與觀眾近距離接觸,大玩有獎遊戲,送出開運風車及簽名海報,希望將好運繼續帶畀廣大市民,並宣布長者免費睇《飯戲攻心2》。
 「飯團」長老及導演陳詠燊去觀塘一間戲院跟觀眾見面及謝票。

修哥大讚呢套戲係導演Sunny誠意之作,開拍前經過深思熟慮,而家成績非常好,成為農曆新年期間賣座冠軍之作,修哥更講到新年期間開心有仔女、孫、曾孫們前嚟拜年,亦有派出大利是,羅蘭姐同樣多謝導演及各位觀眾支持:「相信大家都有感受到這部戲的各種情感,會有感動亦會有心酸,全靠導演的一番心思。睇到粉絲話自己多次入場都好開心,自己有段時間成日睇早場,不過早前因疫情影響而減少,而家可以入戲院睇戲好開心。」
眾人送出開運風車及簽名海報,希望將好運繼續帶畀廣大市民。

黎彼得搞笑講:「我都好耐冇拍戲,這部戲冇得頂,估唔到續集翻轉來做,在粵港澳湛、全世界都有好口碑。早前東莞朋友打畀我大讚部戲好睇,希望之後開續集,在此送個戲名俾導演,下集可以用《安樂茶飯》。」提及演唱經典金曲〈Monica〉嘅張繼聰時,黎彼得讚對方聰明兼IQ爆棚,好鍾意佢又唱得唔錯。
 
黎彼得搞笑講:「我都好耐冇拍戲,這部戲冇得頂,估唔到續集翻轉來做。」

子彤早前曾提及唔知自己點解係修哥個仔,呢日趁着Sunny在場即時拆解疑惑,Sunny解釋:「呢個家族相當神奇,子彤嘅年紀竟然係修哥阿仔。唔知大家有冇留意到戲中對白,其實修哥係個不羈浪子,當中有一句對白講『我早幾年做老襯』,所以修哥喺戲中唔同年紀都有老婆同女朋友,所以有個咁細嘅阿仔好合理。」
 子彤早前曾提及唔知自己點解係修哥個仔,呢日趁着Sunny在場即時拆解疑惑。

謝票過後,修哥、羅蘭姐、黎彼得、胡子彤及導演陳詠燊(Sunny)一齊「出巡」,去觀塘及新蒲崗「落區」向市民大派開運風車,市民紛紛從「飯團」三大長老手上接個風車,場面非常熱鬧。活動期間同時宣佈,今日起現凡於百老匯院線戲院票房購買《飯戲攻心2》正價戲票1張,同一場次帶同一位60歲或以上長者,該名長者即可獲同一場次《飯戲攻心2》免費戲票一張,希望各位觀眾把握是次優惠,約一家大小一齊入場睇好戲!

 相關推薦

熱門搜尋