衛詩雅膠袋笠又南驚險拍攝 ANSONBEAN處男作打戲過足癮

娛樂新聞

2023-05-25 00:30

由三個唔同故事組成嘅新片《失衡空間之罪與殺》呢日舉行首映禮，有份演出嘅黃又南衛詩雅蔡詩韵胡子彤朱鑑然 ANSONBEAN 等呢日都一齊現身。當中Michelle同又南雖然相識多年，不過今次原來係首度合作，仲一齊「經歷生死」呀。

Michelle話其中一幕要以膠袋索住對方，不過就因為有一定危險性而令佢哋都非常擔心，而又南就連回憶當時都覺得有啲驚險呀。而畏高嘅蔡詩韵就要被困籠中再被吊起，而胡子彤朱仔同就話新片會揭開人性嘅陰暗之處呀。

ANSONBEAN今次唔止首次拍戲，仲有連場動作場面，仲會同朱仔大打出手，令佢覺得既緊張又過癮，仲可以一嘗心願打人呀。

失衡空間之罪與殺｜衛詩雅恐佈造型幾可亂真感情問題被魏秋樺當街狂摑

娛樂新聞

2023-05-31 17:30

以不同單元故事組成嘅驚慄電影《失衡空間之罪與殺》當中，衛詩雅誤闖戀髮癖黃又南嘅髮廊，仲慘被對方生剥頭皮，而為咗畫面迫真，電影製作時就由特技化妝師營造恐佈傷口效果，更迫真到連工作人員都避開唔敢望呀。

而另一場同前輩魏秋樺合作嘅戲份，Michelle又要被對手狂摑，好在只係借位拍攝，Michelle先唔使再受苦咋。而原因佢哋起衝突，都係因為感情衝突所致呀。