湯君慈湯君耀盼與父親一同演出 趁湯鎮業回港把握機會做親子活動

有最美星二代之稱、邱淑貞大女沈月，呢日着上露肩裝出席品牌活動，不過就未有接受媒體訪問。同場仲有都係星二代、湯鎮業嘅一對孖仔湯君慈同湯君耀。

一直長註內地發展嘅湯鎮業，之前因為疫情問題令佢同一對孖仔分隔兩地，直到早前通關三父子見可以見返面，湯君慈表示爸爸早前難得回港，就把握機會同做佢哋最鍾意嘅親子活動喇，又話希望嚟緊可以同爸爸合作演出呀！至於講到嚟緊嘅父親節，佢哋都話屆時都會同爸爸食飯慶祝。

講到早前創業開咗間凍肉店，湯君慈同湯君耀都話因為而家天氣開始熱，凍肉店嘅生意會轉淡，所以佢哋都為舖頭物色緊一啲新產品出售呀。