「顛覆大家對睡眠世界想像，一個未必影響一生，但會改變你三分一人生的節目」，方東昇、黃曉 瑩及李曉欣主持嘅節目《好睡好起》，將由今晚（25號）起逢周四及周五晚十點半翡翠台播映。 《好睡好起》首周探討兩大睡眠現象，分別是「一人鼻鼾，全家徬徨」及「睡眠負債」。
「金句王」方東昇及好拍檔黃曉瑩、李曉欣送上一個「唔教訓你，但教你瞓」嘅全新節目，代價係經常捱更抵夜採訪，「通宵，我的青春統統報銷」。節目中，觀眾除咗可以再次體驗「方式金句」，三位主持喺節目尾聲，更會送上別出心裁炮製嘅「睡事彩蛋」，務求讓觀眾睡前笑一笑、睡得更美妙。 
三位「傳覺士」展現驚人毅力，四出尋訪願意出鏡兼願意公開整晚「睡相」嘅個案。經過半年努力，終於搵到67歲前賽車手兼餐廳老闆陳先生。臉色紅潤、中氣十足嘅陳老闆，日睡10小時，生活規律，自覺「好睡好起」，但佢每晚發出嘅鼻鼾聲就引發家庭危機。
陳老闆實測坊間四大「止鼾神器」，真的治標又治本？團隊跟進個案四個月，搵睡眠專家拆解疑團，最終能否協助陳老闆一家轉危為機？ 第三大必睇位，主持化身「白老鼠」，挑戰 24 小時不眠不休，再走入大學睡眠實驗室測試記憶力、專注力及控制負面情緒能力。捱眼瞓還要如常工作甚至出鏡， 絕對考驗意志力，觀眾一睹三人激罕「呆萌樣」，從中了解「睡眠負債」嘅禍害。都市人「一身債」，可以「邊借邊還」？節目請學者分享獨門「補眠秘笈」， 齊來「債務重組」！
《好睡好起》周四、五晚十點半翡翠台播映