溫碧霞身兼出品人、監製及演員嘅電影即將上映，呢部以少女成長為題材嘅作品，加入其自身經歷，溫碧霞呢日出席電台宣傳活動時，分享初中時期純情初戀回憶，溫碧霞曾因父親太嚴厲而變得叛逆！

溫碧霞籌備新片時，佢覺得最難係選角，今次溫碧霞及林婷於戲中分別飾演主角「Elaine」嘅成年版及少女版，原來溫碧霞經過多次面試都搵唔到合適嘅「少女版Elaine」，直至朋友介紹下，一見到林婷即覺得「就係佢」，究竟係咩感覺，令溫碧霞認定佢就係「少女版Elaine」呢！？

近日頻頻出現為傳記式電影宣傳嘅 溫碧霞 呢日同 陳妍希 董璇 穎兒 等女星齊齊盛裝打扮現身一個喺澳門舉行嘅活動，Irene喺其他同場嘉賓面前依然唔覺有歲月痕跡，而佢本人就指保持年輕最重要就係保有童心呀。

而陳妍希就分享細個第一次戴珠寶嘅有趣故事，佢話當時喺屋企偷戴媽咪嘅首飾，仲搞到唔見咗一隻鑽石耳環，搞到佢覺得非常內疚呀。而離婚後一直投入工作嘅董璇就拍攝不斷，至於早前喺網上發佈剪髮短片嘅穎兒，呢日就公開話係為咗角色而狠心剪短將留有20年嘅秀髮呀。