賈靜雯唱功被抨擊 修杰楷力撐老婆認真演出

修杰楷老婆賈靜雯喺內地參加一個女性真人騷首次挑戰唱跳，其唱功被抨擊，呢日修杰楷出席一個公益活動趁機為賈靜雯發聲，力撐老婆對演出非常認真，指每一個行業都有壓力，作為演員藝人來說，要登上一個大舞台，本來就係好大嘅挑戰，需要大家鼓勵同支持。

修杰楷目前身兼母職，笑言兩個愛女都掛住媽咪，修杰楷又指細女波妞比較鍾意同男仔玩，講到兩個女兒幾歲可以帶男朋友回家見面，修杰楷稱高中時期便可，但只限於同學之間嘅互動，修杰楷目前努力健身操肌，坦言戒酒之後狀態變好。