內地大型音樂競技節目「浪姐」第四季《乘風2023》，經過兩輪淘汰後，最新播出呢集由28位引領風騷嘅實力女星組成8支隊伍作賽，並進行第二次公演PK戰，記得首次公演嘅蔡少芬（Ada）被歌詞及舞步考起，壓力爆煲淚灑幕前，去到演出時，蔡少芬脫胎換骨，跟劉惜君、李彩華、美依禮芽MARiA、李莎旻子組成隊伍跳唱快歌《帶我去找夜生活》，表現輕鬆兼露出滿滿自信，蔡少芬賽前透露而家對自己好有信心。

蔡少芬脫胎換骨，跟劉惜君、李彩華、美依禮芽MARiA、李莎旻子組成隊伍跳唱快歌《帶我去找夜生活》。蔡少芬化身黑夜麗人跳唱歌曲《帶我去找夜生活》。

第二次公演PK戰，主題係「當白天，抱緊黑夜」，蔡少芬與劉惜君、李彩華、美依禮芽MARiA、李莎旻子以一身黑色舞衣、黑色短褲配長Boot，化身黑夜麗人跳唱歌曲《帶我去找夜生活》，期間佢哋更構思口號「我們是午夜狂歡，十分快樂」，佢哋由排練至踏上舞台，表現輕鬆愉快，當初踏舞台綵排時，五人十分興奮，蔡少芬表示：「這個廠很大，我們在這裡跳，很爽。」 

第二次公演PK戰，主題係「當白天，抱緊黑夜」。今次蔡少芬似乎對於跳唱已開始掌握，狀態輕鬆得多。

蔡少芬充滿自信成功抗壓，對上一次公演壓力爆煲崩潰灑淚，但今次蔡少芬似乎對於跳唱已開始掌握，狀態輕鬆得多，佢坦言最難嘅地方都跨越咗，仲有咩可以將佢哋五個絆倒。蔡少芬跟隊友們十分團結，踏上舞台表現理想，勁歌熱舞掀高潮，歡眾拍爛手掌，蔡少芬表演過後表示：「我現在無法控制，我真的很熱情，全身出汗，我好興奮，我剛才沒有錯過，好開心！」 

蔡少芬隊伍獲得不俗分數。

蔡少芬隊伍獲得不俗分數，期間主持人問到蔡少芬有冇夜生活？佢自言其夜生活就係喺廚房煮泡麵，同老公張晉一起食，認真甜到漏，而佢喺排練期間跟其他隊員嘅夜生活就係一齊飲少量快樂水（指啤酒）減壓。

由肥媽、鼎爺同游嘉欣主持嘅飲食節目《肥媽李鼎》嚟到最後一集，今集主題係「最多謝的人」。肥媽話最想多謝已故林嶺東導對自己嘅知遇之恩，佢話當年自己喺一間Disco唱歌，而林導就成日嚟捧場，肥媽憶述：「佢覺得我把聲似黑人，之後叫泰迪羅賓作咗首黑人怨曲畀我唱，點知一唱周街啲人叫我 『嘥氣』，咁就入咗呢行。」肥媽分享同林導嘅趣事，佢說：「佢嗰時晚晚嚟好似返學咁，我每晚都會唱《We Are The World》，呢隻叫校歌，我就叫校長， 嗰時好好玩，真係唔捨得。」
肥媽感謝已故導演林嶺東嘅知遇之恩。鼎爺感激珍姐力薦自己。
而鼎爺就指非常多謝珍姐曾勵珍，因為對方由自己做藝員到轉做烹飪主持，對方都係極力推薦自己，鼎爺仲話即使自己有天大本事，但如果冇人畀機會都係冇用。鼎爺又講返當年拍攝節目《阿爺廚房》時，前後經歷咗三次試廠：「真係試到我忟，覺得我眼神惡同聲氣大，前前後後試咗三次，其實佢都好重視，如果唔係都唔會嘥錢試你呢個傻佬啦。」之後鼎爺仲即場模仿珍姐招牌動作「睇吓點」，喺隔離嘅游游睇到即讚好神似。
游游就多多林肯畀機會自己。游游為兩老炮製「游氏釀冬瓜」
至於游游最想多謝嘅人，就係搵佢拍劇集《香港愛情故事》嘅監製林肯，游游話：「我當時真係一個𡃁妹乜都唔識，佢夠膽畀一個重要嘅角色我做，佢真係好夠薑，如果冇佢當初咁大膽選用我，就冇今日我坐喺度同兩位講嘢。」之後肥媽畀機會游游對住鏡頭向珍姐推介自己，游游竟然怕醜到面都紅埋。嚟到節目尾聲，身為廚房Killer嘅游游為答謝肥媽同鼎爺嘅照顧，非常有心地提早到場炮製「游氏釀冬瓜」慰藉兩老。
肥媽畀機會游游對住鏡頭向珍姐推介自己。
另外，肥媽自爆早年曾畀人屈過檔亞視，令佢無份參演大騷導致收入大減，後來肥媽索性疊埋心水做生意，佢說：「其實我要多謝佢，如果冇佢，我都唔會開咗 18 間卡啦 OK 同有 Live Band 唱歌嘅地方。」肥媽透露呢個屈佢嘅人係好出名，大家都認識嘅，想知道更多細節？記得留意收睇喇！

《肥媽李鼎》最後一集 24號 22:30 翡翠台