噚日傳出BIGBANG隊長G-Dragon與YG娛樂合約結束，公司其後證實消息，並指GD有意重啟音樂活動，YG表明全力支持，隨着GD離開YG娛樂，代表BIGBANG全員走人！
早前有粉絲發現YG娛樂公佈嘅2023年第一季報告書列出藝人名單，名單裡面冇GD，離巢傳聞甚囂塵上，YG娛樂噚日緊急出面回應，強調GD目前仍是旗下歌手。 根據韓媒今日報道稱YG娛樂今日改口稱與GD合約已到期，廣告等活動目前通過其他合約進行，更表明若GD有意重啟音樂活動，將協商追加合約期限，並全力提供支援。
GD自2017年發行第2張迷你專輯後，一直將事業重心轉戰時尚圈，近6年冇再出新歌，隨住BIGBANG其他成員陸續離巢，GD亦係BIGBANG唯一一個仍留喺YG娛樂嘅成員，不少粉絲早前有感偶像經歷6年空白期，已表明想GD跳槽，可以更活躍喺演藝工作！
