6月8號係一年一度NBA總決賽舉行日子，賽事由籃球隊「邁阿密熱火」對戰「丹佛金塊」，備受全球籃球迷關注。 歌手施匡翹（Zaina）、謝高晉（Ko）、楊埕（Sabrina）、陳昊楠（Koll）呢日現身奧海城，喺商場大螢幕前與一眾香港籃球迷們一同觀看賽事直播。謝高晉日前加盟香港本地甲一籃球隊「建龍飛馬」，呢日聯同唱片公司新人師弟兼同係「建龍飛馬」隊員嘅陳昊楠（Koll）一同以甲一籃球員身份現身支持籃球運動。
施匡翹是次以球隊宣傳大使身份出席，並身穿球隊隊服，形象清新健康，同公司藝人楊埕亦一同現身支持球賽。 施匡翹表示自己最近剛開始接觸籃球運動，體會到此運動嘅團隊合作精神，並漸漸被籃球所吸引，佢繼續向謝高晉偷師，努力學習籃球。 謝高晉最近加盟球隊，表示香港喜歡籃球嘅人有非常多，今次活動能聚集一眾熱愛籃球人士一同觀賽，希望未來會有更多呢類活動，讓更多香港市民認識及喜愛籃球運動。 
同唱片公司的師弟陳昊楠近日正式與謝高晉一同加入球隊，成為甲一籃球員，佢又指自己係「熱火」球隊嘅忠實粉絲，雖然今次未能贏得總冠軍，但仍非常欣賞佢哋不屈不朽嘅精神。 楊埕小時候經常與女同學們一同到籃球場觀賞學校男生打籃球，而今天觀看賽事現場的氣氛非常熱烈，令佢想起唔少童年回憶，佢笑言：「原來籃球界真係有好多型男靚仔！」
