方東昇、黃曉瑩及李曉欣主持嘅節目《好睡好起》，噚晚講完點樣教小朋友早瞓覺，今晚第6集《好睡好起》講「睇鐘做人，夠鐘好瞓」，為咗探討年齡如何影響生理時鐘，三位主持四出找尋「早睡早起」及「晚睡晚起」嘅代表，日探兼夜探老人院，直擊長者「出人意表」嘅生理時鐘。
採訪期間，攝製隊遇上不少精靈「長命百二歲」代表，有「吟詩伯伯」、「麻雀婆婆」、「宵夜婆婆」、「煲劇婆婆」及「心事婆婆」等，當中最令人驚喜嘅就係「夜更保安婆婆」及「Rapper 婆婆」。 先講日更精靈代表「Rapper婆婆」，甫見攝製隊即使出看家本領大Rap押韻打油詩：「人一世物一世 隻眼開就隻眼閉」，最後更因語出驚人，嚇到方東昇拋出一 句「冇問題」，場面搞笑！
至於被封老人院「可愛夜更保安」嘅玉嬋婆婆，現年81歲嘅玉嬋婆婆，每逢半夜1點必定準時起床，喺院舍四處巡查，仲會做深宵及體操強身健體，再定時定候上床睡覺。對於玉嬋婆婆不按正常鐘數睡覺，老人院姑娘習以為常，大讚玉嬋婆婆係院舍好幫手，經常幫忙監察院友深夜有冇異 樣。 
採訪當日，玉嬋婆婆一見攝製隊即搞笑兼貼心慰問一眾「年輕人」點解凌晨開 工：「舊時後生，做工廠就捱夜做通宵，你哋依家都做通宵？」中氣十足嘅玉嬋婆婆，與攝製隊暢談不夜天，更示範如何「深宵散步」召喚周公，吸引三位主持全程緊貼。雖然玉嬋婆婆未能「一覺瞓天光」，但望落佢好精神又精靈，凌晨3點返回床上睡覺，仲細細聲同主持黃曉瑩講秘密，堪稱可愛「覺」 主。對於長者睡覺各有各節奏，攝製隊邀得老人科專科醫生梁萬福作深入分析， 並探討為何長者自覺失眠可能只是誤會一場，密切留意！
《好睡好起》周四、五晚十點半翡翠台播映