王丹妮日前到蘇州昆山出席「2023微博電影之夜」， 並獲大會頒發「年度進取演員殊榮」。對於獲內地影圈及觀眾肯定，Louise感到非常開心。
其實呢晚Louise除咗係得獎人外，佢仲係以表演嘉賓身分參與開場表演，Louise聯同內地歌手劉宇、賀峻霖，以及中央電視台著名主持人藍羽同尼格買提，演唱電影《如果·愛》內經典歌曲《人生蒙太奇》。表演中Louise邊唱跳邊演戲，飾演一位上海復古時尚嘅電影演員，喺舞台上表演電影拍攝情境，期間佢仲同台下《如果·愛》嘅導演陳可辛互動，連場嘅演出獲得全場掌聲。
講到今次參加呢個盛會，Louise話：「好開心同榮幸能夠參與今次盛事同時擔任表演嘉賓，因為時間緊迫，只有兩天時間學習舞蹈，所以自己都不斷努力練習希望做到最好。今次和其他歌手及Dancer一起載歌載舞，是一次非常難忘和新鮮的體驗。」
喺後台巧遇周潤發、導演潘耀明及金像美術指導文念中嘅Louise，除咗把握機會同佢哋寒暄外，當然要影返張合照啦，Louise表示：「這晚見到好多位自己喜歡和仰慕的導演和演員們，感恩能身在其中。另外，好開心可以和明哥（潘耀明），發哥，文念中先生再次相遇並合照。之前已經認識三位，發哥一直是我演藝路上的目標，而我之前就跟明哥合作過，在香港剛見完面，想不到會在蘇州昆山再見。」
