港姐2023丨曾志偉讚26位候選佳麗高質 終極面試加入AI及ChatGPT元素

選美界盛事《2023香港小姐競選》經過兩輪面試後，今年同過往有別嘅係，26位脫穎而出嘅候選佳麗，呢日再嚟到電視城，為終極面試進行錄影及見評審。

今次終極面試除咗有名模名人助陣，仲柔合咗時下最hit嘅AI功能，就連曾志偉都覺得好創新，佢係訪問入面就表示，因為今年港姐係第51年，踏入一個新紀元，所以想添加多啲新嘢，好似ChatGPT同AI咁，所以喺面試同問答環節都用咗好多AI嘅嘢。

呢日現身終極面試嘅評審仲有馬詩慧、陳繹嵐、謝嘉怡同何沛珈等，馬詩慧同陳繹嵐都對今次加入AI元素覺得好新奇，佢哋又透露自己嘅選美準則呀。至於作為師姐嘅謝嘉怡同何沛珈，就同大家分享佢哋嘅親身經歷喇。