陳淑蘭讚今屆佳麗質素高 楊玉梅崇尚天然美抗拒整容

陳淑蘭（蘭子）、楊玉梅及陳國峰呢日一齊現身一個逆齡選美活動記招，大方分享評審準則，2023香港小姐競選即將舉行，今屆入圍佳麗被指質素高，港姐出身嘅蘭子亦有講當年參選心得。

蘭子指入圍佳麗經過培訓，打造一個全新形象，蘭子回想以前參選有好多嘢學，譬如學行路、與其他人一齊上堂等，蘭子一向好關注心靈健康問題，曾因喪父患上情緒病，佢希望之後多啲參與心靈健康嘅活動，同場嘅楊玉梅被蘭子讚保養得宜，佢崇尚天然美：「唔好全部千篇一律，千篇一律就有啲假。」陳國峰則以男士角度指年齡非障礙，女性最重要係時刻保持自信。