拆解數字背後密碼嘅風水命理節目《數你條命》，主持玄學顧問Depp、J2er 吳兆麟Alan 同 陳欣茵Sonya，3號晚播出嘅一集請嚟 梁思浩 倪嘉雯 涂毓麟 同大家分享「拆解財富密碼」。
出名好運嘅思浩喺Sonya追問下，確認曾經至少中過三次六合彩，且全部是四獎以上，思浩覺得同幸運數字有關，佢透露若起床後幸運數字一再出現，記會視嗰日係Lucky Day，然後就會去買六合彩，思浩仲分享買六合彩嘅自家心得：「唔好自己揀『冧把』，買一張電腦飛啦，因為既然你係幸運，個天會幫你揀。」開心Share點樣知道啱自己幸運數字嘅思浩，又透露有次中獎剛好係第 31期攪珠，令在場眾人嘖嘖稱奇。
故仔多多嘅思浩，仲爆好友苑瓊丹嘅抵死催運方法，思浩舉例子喺傳呼機依然流行年代，每次落Call搵苑仔，都必定遭追問機主全名：「Call台話苑瓊丹需要你講兩次苑瓊丹先落 Call，所以我搵親佢，起碼講咗四次苑瓊丹。」思浩解釋因為「苑瓊丹」並非本名， 所以對方先想畀人「嗌番旺個名」。
思浩稱啱介意幫助朋友渡過難關，不過重點絕對唔借錢，情願送錢嘅思浩表示：「反而我就咁畀（錢）你過咗最危急嘅時間，你日後報恩我當然感激，起碼我畀咗你（就算你唔還），我自己唔會嬲先。」
節目中，玄學顧問Depp公開連串催財及防破財秘訣，又解構「禍害」、「延年」、「伏位」、「天醫」及「生氣」等磁場組合與銀行戶口及使錢行徑等關係，又透露喺銀包擺放特定編號嘅銀紙可催財。而Carmen同Oscar 先後公開理財心得，當中Carmen提起自覺古怪又複雜嘅「一分三」理財大法，竟獲得出過理財書嘅思浩認同，思浩仲公開實用嘅「一分五儲錢錦囊」，想知嘅朋友記得收睇喇！
《數你條命》星期一至五晚 22:30 J2
