譚旻萱為廣告獻聲唱廣告歌 活學活用張敬軒韓式呼吸

新一代女神Mandy譚旻萱，最近獲大型連鎖快餐廳邀請獻唱廣告歌，首次入錄音室嘅Mandy笑言相當有挑戰性，佢話：「最初聽到首歌嘅demo時，會覺得自己唔會唱到咁高嘅音域，而且係用唔少真聲，加上要配合返好有活力、開心嘅energy，冇得降key，所以對我嚟講真係好大挑戰。」Mandy話自己去到錄音室時命覺得自己冇可能做到，點知唱唱下又OK咗，所以令佢好自豪。

今次廣告要去到沙灘、影樓、天台等取景，而為咗突顯Mandy嘅青春活力同陽光主題，佢被安排喺沙灘上高舉滑浪板奔跑、喺沙灘上品嚐漢堡包、拎住咪又唱又跳等。

雖然要喺炎夏中拍攝，但Mandy完全唔覺得辛苦，仲反而覺得好爽：「真心好爽！出一身汗，感覺就好似做完運動，夜晚食多少少都OK嘛，嘻嘻。」喺拍攝中又唱又跳嘅Mandy，笑言自己使出喺張敬軒演唱會上學到嘅「韓式呼吸」，所以令佢唔覺得辛苦呀。