《富貴門》苦戀呂良偉睇到肉都赤 郭可盈隱退湊女一家遊日本

晚晚見到 郭可盈 喺《富貴門》扮演嘅Angie苦戀呂哥 卓一元嘅故事，加埋佢一直將心意化作文字寫喺Blog，雖然對方有家室，不過就真係一往情深喇。現實中嘅可盈，當年宣傳呢套經典劇集時就宣佈同型男老公 林文龍 懷有愛情結晶品，之後仲開始專心照顧囡囡，甚少公開拍攝新作喇。

轉眼間佢同文龍嘅囡囡「津津」 林天若已經13歲婷婷玉立，近日佢哋仲一家三口同遊日本，除咗去熱爆嘅teamlab藝術展參觀之外，又一齊嘆雪糕消暑，見到津津眼甘甘望實媽咪手中杯雪糕就覺得搞笑又溫馨喇。